raniaelashry الادارة العامة والخاصة
عدد الرسائل : 12 العمر : 40 البلد : الامارات العربيه المتحده الوظيفة : صحه مدرسيه المزاج : good تاريخ التسجيل : 12/05/2009
| موضوع: خطة التثقيف الصحي الأربعاء مايو 13, 2009 1:32 am | |
| [[ size=12]size=18][b]السلام عليكم ورحمة الله وبركاته انا قلتلكوا قبل كدا انى عندى افكار كتيره جدا ممكن تخلي مدرستكوا رقم واحد فى مصر كلها والافكار دى انا اكتسبتها من هنا من شغلى فى الامارات اولا انا بشتغل فى مدرسه (ممرضه صحه مدرسيه)بمعنى انى مسئوله عن مدرسه باكملها من كل الجوانب الثقيف الصحى للطلبه كشف الوزن والنظر والطول اول السنه تحويل الحالات اللى بشك فيها باى اصابه للعياده طبعا كل دا بتديره منظومه كبيره جدا وهيا هيئة الصحه بأبوظبي والمنظومه دى فيها أعضاء كتير جدا ممرضين وممرضات ودكاتره وفنيين ومساعدين طبعا فى احترام كبير جدا بين كل الفئات دى
وطبعا فى مصر مش متطبق نظام الصحه المدرسيه قد كدا بس ليه لا ماتكونش مدرستكوا اول مدرسه تطبقه فى مصر
وانا متاكده انه مافى مدرسه فى مصر باكملها عندها الخطه اللى بتتطبق هنا اولا بما انه مافيش فى مدارسنا ممرضات او اطباء لمتابعه حالات الطلبه ليه المدرسه ماتطلبش ثانيا اذا مااتوفرش دا ليه انتوا نفسكوا ماتبداوش بالخطوات الاولى ولما تنجح اكيد الناس هتساعدكوا كتير
ممكن مبدأيا تبقى العمليه تنفذ من خلال الاخصائي الاجتماعى ومدرسين العلوم اولا هتبداوا بعمل خطه فى بدايه العام الدراسي الخطه دى انا ارسلتها للاستاذ رضا(بابا) الخطه دى منقسمه لعده اشياء بتنفذ على مدار العام الدراسي وطبعا فى اخر كل نصف عام بتقييم الخطه دى وبنشوف كام فى الميه انجزناه خلال العام
بالنسبه للتثقيف الصحى واللى انا اقصده
هو توعيه الطلبه باهميه الصحه وانهم دايما يبقوا على وعى بالامراض اللى منتشره فى كل موسم واللى بتظهر مجددا بالاضافه للطلبه اصلا اللى بيعانوا من امراض اكيد المدرسه فيها طلبه كتير عندهم مشاكل وراثيه عندهم امراض معديه عندهم امراض تنفس وغيرها يبقى ليه احنا مانتابعش الطلبه دول ونوعيهم بمخاطر الامراض دى والاعراض والوقايه والمحافظه على انفسهم الكلام دا مهم جدا لو طفل مثلا حصله اغماء مفاجئ بتعمل ايه بنجري ونصوت وخلاص والحقوا الواد هيموت ماينفعش جدا الاغماء دا ممكن يكون وؤاه مليون مشكله
فعلشان كدا انا عمله خطه واتمنى ان مدرستكم تمشي عليها الخطه بتتقسم كل شهر على حسب المواضيع الصحيه اللى ممكن نتكلم فيها مع الطلبه
عن طريق حاجات كتير جدا اولها الوسائل التعليميه بمعنى كل فصل يشارك بموضوع صحى معين ولنفرض مثلا انفلوانزا الخنازير انا عندي الماده العلميه لكل الكلام دا وكل المواضيع الصحيه اذا الفكره عجبتكوا انا ممكن انزلها كلها على الموقع
انا هنا مثلا عندي مناسبات كتير فى السنه يوم الصحه العالمى ويوم الغذاء العالمى والمحافظه على الاسنان والامراض المعديه والنظافه الشخصيه والتطعيمات واهميتها وغيرها كتير جدا ببدا مثلا الاسبوع الاول فى شهر 9 وهو بدايه العام الدراسي هابدا بتشكيل الجماعه الصحيه واعمل اعلانات عن تشكيلها الجماعه الصحيه او جماعه الهلال الاحمر بتبقى مجموعه من الطلبه عندهم قدره على التحدث والقاء الكلمات ببدأ اعملهم خطه معينه واسبوعيا بعطيلهم موضوع صحى يتكلموا عنه فى الطابور يوم واحد فى الاسبوع بيعرضوا فيه اهم الاحداث الصحيه اللى حصلت بالاضافه الى موضوع صحى يشرحوه لزمايلهم وومكن دا يبقى معاهحديث قران او اغنيه صغيره اوا مسرحيه
الكلام تحسوه انه حاجات عبيطه زى ماانا حاسيتها فى البدايه بس والله حاجات مهمه جدا وتحبب الاولاد فى المدرسه بعد كدا الاسابيع الصحيه هنعمل فيها موضوع صحى كل اسبوع وبتكون محدده طبعا حسب الاسابيع العالميه وطبعا احنا فى مصر ولاااااااااااا نسمع عنها ابدا مانسمعش الا عن اسبوع شباب الجامعات بس :cheers:
هنعمل ايه فى الاسابيع الصحيه دى
انا قلتلكوا مواضيع صحيه هنتكلم فيها على حسب كل اسبوع
مثلا ترشيد استهلاك الميه
النشاط خلال الاسبوع دا انه هنحفز الطلبه انهم يقفلوا اى ميه مفتوحه يحافظوا على الميه مايضيعوش ولا نقطه هنعمل بوردات اللى هيا الوسائل التعليميه عليها نقطه الميه واهميتها وحديث شريف ولو زجاجات ميه فارغه ممكن نستعين بيها واشكال حلوه تشد الطلبه مش مجرد كلام مكتوب وخلاص ويكون نشاط المدرسه خلال الاسبوع دا من مدرسين ومدرسات وطلبه وعمال هو ترشيد استهلاك الميه فى الاسبوع التانى بنقييم النشاط ونكرم كل اللى ساهموا فيه ولو بشهاده تقدير وكل فصل كمان بيعمل وسائل وبيشارك فى النشاط
طبعا هتقولولى العيال هتذاكر امتى والله المواضيع دى مابتاخد وقت اصلا وبتفتح عقول الطلبه
ممكن مثلا موضوع الغذاء ا ودا مهم جدا المدارس هنا ليها قايمه غذاء موحده لطلبه فى الاماره كلها بس عصير خالى من المواد الحافظ وسنتدويتشات جبن مفيش شيبس مفيش لبان مفيش الكلام الفارغ اللىبيتباع حوالين المدارس هتقولولي هنقطع عيش اللى بيبيعوا هااقلوكوا مش هتبقوا مدرسه نموزجيه الا بطلبه سلوكهم كويس فى كل حاجه
مواضيع كتير جدا بتظبط سلوك الطلبه وماحدش حاسس بيها لو الافكار عجبتكوا انا عندى الماده العلميه
WITH MY BEST WISHES RANIA REDA ELASHRY ER MOOOOOON
عدل سابقا من قبل raniaelashry في الأربعاء مايو 13, 2009 1:53 am عدل 1 مرات | |
|
raniaelashry الادارة العامة والخاصة
عدد الرسائل : 12 العمر : 40 البلد : الامارات العربيه المتحده الوظيفة : صحه مدرسيه المزاج : good تاريخ التسجيل : 12/05/2009
| موضوع: رد: خطة التثقيف الصحي الأربعاء مايو 13, 2009 1:51 am | |
|
تشجيع الأطفال المستمر على النظافة الشخصية عدم إلقاء الفضلان في الساحة ووضعها في سلة المهملات
تعليم الطفل فوائد الغذاء وأهمية وجبة الإفطار وفوائد الحليب محاضرة للأمهات
تثقيف الطفل بكيفية غسل اليدين بالماء والصابون قبل الأكل وبعدة وبعد الخروج من الحمام والعودة من الخارج
متابعة الأطفال والمرور على الصفوف والزى المدرسي ونظافة الشعر وتقليم الأظافر وتكون الممرضة قدوة للنظافة لتعليم الطفل. من خلال تشجيع الأطفال في الإذاعة المدرسية وعمل تثقيف صحي جماعي عن نظافة الزي والشعر وتقليم الأظافر. محا ضرة من مثقف صحي من البلدية
تعليم الطفل كيفية استعمال فرشاة الأسنانو المعجون وتناول الحليب. المشاركة في أسبوع صحة الفم والأسنان.
المشاركة في يوم الصحة العالمي
| |
|
raniaelashry الادارة العامة والخاصة
عدد الرسائل : 12 العمر : 40 البلد : الامارات العربيه المتحده الوظيفة : صحه مدرسيه المزاج : good تاريخ التسجيل : 12/05/2009
| موضوع: رد: خطة التثقيف الصحي الأربعاء مايو 13, 2009 2:01 am | |
| نسيت اقول انه كل النشاطات دى بتتصور بكاميرا فيديو او موبيل او كاميرا وبتنزل على كمبيوتر المدرسه ونتزل على سيديهات وبتروح الاداره
بيتصور كل حاجه وبتتحط فى ملف اسمه الانشطه المدرسيه فى ملفات كتير جدا فى المدرسه اللى انا فيها هيا اللى بتثبت شغلى للاداره كل الانشطه دى بتكوا مثبته بالصور والانشطه والوسائل وغيرها
كل طالب بيبقى داخل المدرسه هنا المفروض بيكون ليه ملف طبي طبعا دى ممكن تكون صعبه شويه انكم تعملوا لكل طالب ملف طبي وصحى يكون موجود فيه كل التطعيمات اللى اخدها الطالب كشف الوزن والطول والنظر بعض المدارس هنا بتعمل تحاليل للطلبه
دا هيكون صعب شويه بس ممكن تدرجوه فى الخطه اللى هتعرضوها على الاداره لو فى ممرضه للمدرسه بيكون ليها دور كبير جدا فى التوعيه والانشطه وغيره
خلال كل اسبوع صحى المدرسه كلها باكملها بتتحول تجاه الموضوع دا اسبوع ترشيد استهلاك الميه مثلا صور فى كل مكان واعلانات ممكن تتصلوا بشركه ميه مثلا مندوبينها يلقوا محااضره على كل فصل بيقى موجود صوره قطره الميه الطلبه اللى هيشاركو بيبقوا مميزين ممكن نحطلهم صورة قطره الميه على ملابسهم
ا | |
|
حسنى ابو الكمال الادارة العامة والخاصة
عدد الرسائل : 21 البلد : مصر الوظيفة : مدرس المزاج : عالى تاريخ التسجيل : 23/03/2009
| موضوع: رد: خطة التثقيف الصحي الخميس مايو 14, 2009 3:40 pm | |
| الموضوع ممتاز وموجود فى المدارس بس مش مفعل ويارب نفعله | |
|
غصون مشرف عام
عدد الرسائل : 56 العمر : 54 تاريخ التسجيل : 27/04/2008
| موضوع: رد: خطة التثقيف الصحي الأربعاء يناير 13, 2010 2:13 pm | |
| مشكورة واللة على الموضوعات الشيقة والنصائح المفيدة التى تخلق انسانا قويا بدنيا وعقليا ليكون قادرا على بناء امتة بسواعد قوية واللة معك | |
|
روضة مشرف عام
عدد الرسائل : 47 البلد : مصر - المنصورة الوظيفة : المزاج : تاريخ التسجيل : 16/12/2009
| موضوع: رد: خطة التثقيف الصحي الأحد يناير 17, 2010 3:48 pm | |
| | |
|